Төө-Ашууда жүк ташуучу унааларга кайрадан чектөө киргизилди

Бүгүн, 27-октябрда Бишкек-Ош унаа жолунун 81-чакырым бөлүгүндө (Төө-Ашуу, Сосновка) жүк ташуучу унаалардын өтүүсүнө убактылуу чектөөлөр киргизилди. Маалыматты Транспорт жана коммуникациялар министрлигинен билдиришти.

Белгилүү болгондой, чектөө жасалма тыгындарды болтурбоо максатында киргизилген. Ошондой эле аба ырайы жана климаттык шарттар жакшырганга чейин күчүндө болот.

"Жол тейлөө ишканасынын кызматкерлери керектүү жерлерде жолду кардан тазалап жатат. Жолго чыккан айдоочуларга жайкы дөңгөлөктөрдү кышкы дөңгөлөккө алмаштырууну, дөңгөлөктөрдүн чынжырчаларын жана күрөктөрүн алып жүрүүнү сунуштайбыз", - деп билдиришти Транспорт министрлигинен.

Автор: Айжанар Рыспек кызы
Фото: Интернеттен алынды