Бишкекте жети миллионунчу кыргызстандыкка удаа төрөлгөн ымыркайдын үй-бүлөсүнө 200 миң сом берилди

Бишкекте жети миллионунчу кыргызстандыкка удаа төрөлгөн наристенин үй-бүлөсүнө 200 миң сом берилди. Бул тууралуу мэриядан билдиришти.

Маалым болгондой, ымыркайдан Бишкек шаарынын мэри Эмилбек Абдыкадыров кабар алып, анын үй-бүлөсүнө президенттин атынан сертификатты сүйүнчү катары тапшырган.

Ымыркайга Хамза деген ысым ыйгарылган. Ал үстүбүздөгү жылдын 19-октябрга караган түнү 2:25те төрөлгөн.

Ал эми өлкөнүн жети миллионунчу жараны Баткендин Кызыл-Кыя шаарында төрөлгөн. Ага президент Садыр Жапаров Жакшылык деген ысымды ыйгарган.

Автор: Максуда Кудайбердиева