Менчик ишкана Октябрь районундагы таштандыларды чыгаруудан баш тартты. Себеби

Бишкек шаарынын Октябрь районундагы катуу тиричилик таштандыларын кайрадан "Тазалык" муниципалдык ишканасы тейлей баштады.

Шаардык бийликтен билдиришкендей, 29-октябрдан тарта «Комтранском» менчик ишканасы Октябрь районун тейлөөнү токтоткон.

Жогорудагы компания 2016-2022-жылдар аралыгындагы топтолгон 12 миллион сом карызы үчүн келишимди бузуп, районду тейлөөдөн баш тартканы маалымдалды.

Маалымат үчүн: Борбор калаада таштанды үчүн бир адам айына 22,50 сом төлөйт. Учурда Октябрь району боюнча линияда 17 даана атайын техника иштеп, 133 тонна таштанды чыгарылды.

Автор: Айжанар Рыспек кызы
Фото: Бишкек шаардык мэриясы