Садыр Жапаров Риши Сунакты Улуу Британиянын премьер-министрлигине дайындалышы менен куттуктады

Президент Садыр Жапаров Риши Сунакты Консерваторлор партиясынын жаңы лидери болуп шайланышы, ошондой эле Улуу Британия жана Түндүк Ирландия Бириккен Падышачылыгынын премьер-министри кызматына дайындалышы менен куттуктады.

Бул тууралуу президенттин маалымат кызматынан билдиришти.

"Сиздин Улуу Британиянын өкмөтүнүн башчысы кызматына киришүүңүз кыргыз-британ эки тараптуу кызматташтыгын жаңы сапаттуу деңгээлге чыгарууга түрткү берет деп терең ишенем", - деп айтылат куттуктоо телеграммасында.

Садыр Жапаров Риши Сунакка чың ден соолук жана бакубаттык, жогорку мамлекеттик ишине ийгиликтерди, ал эми Улуу Британия элине бейпилдик жана өнүгүү каалады.

Автор: Максуда Кудайбердиева