“Туризм жөнүндө” мыйзамга толуктоо жана өзгөртүү кирди

2013-жылдын 5-декабрында президент Алмазбек Атамбаев “Туризм жөнүндө” КРнын мыйзамына толуктоо жана өзгөртүүлөрдү киргизүү тууралуу” мыйзамга кол койду.

Мыйзам Жогорку Кеңеш тарабынан 2013-жылдын 31-октябрында кабыл алынган болчу.

Мыйзам 1999-жылдын 25-мартындагы № 34 “Туризм жөнүндө” мыйзамдын айрым ченемдерин тактаган жана аларды КРнын Конституциясына шайкеш келтирүүгө багытталган редакциялык мүнөздөгү өзгөртүүлөрдү камтыйт. Түшүнүк аппараты деген такталат: (1-берене “туризм чөйрөсүндөгү ыйгарым укуктуу орган” түшүнүгү менен толукталган), мыйзамдын 3, 10, 15-беренелерине тиешелүү өзгөртүүлөр киргизилди.

Азыркы мыйзамдын 2-беренесинин (Кыргыз Республикасынын туризм жөнүндө мыйзамдары), 16-беренесинин 1-бөлүгү (Туризм тармагы үчүн кадрларды даярдоо), ошондой эле 16-беренесинин (Туризм чөйрөсүндөгү эл аралык кызматташтык) жана 17-беренесинин (Ушул мыйзамды бузгандыгы үчүн жоопкерчилик) жаңы редакциялары берилди.

Мыйзам туризм тармагындагы ишмердүүлүктү жөнгө салган колдонуудагы мыйзамдын негизги жоболоруна өзгөртүү киргизбейт. Бул мыйзам расмий жарыяланган күндөн тартып күчүнө кирет.

Автор: Автандил Добулбеков