ЖОЖдорго кышкы кабыл алуу үчүн ЖРТ 26-ноябрда башталат

ЖОЖдорго кышкы кабыл алуу үчүн Жалпы республикалык тестирлөө 26-ноябрь жана 27-ноябрда өтөт. Бул тууралуу Билим берүү жана илим министрлиги маалымдады.

Анда айтылган маалыматка ылайык, 25-ноябрда саат 13:00дөн 17:00гө чейин абитуриенттерди кошумча каттоо жүргүзүлөт.

Тестирлөө борборлору:

Бишкек шаарындагы №72 орто мектеби;

Бишкек шаарындагы №95 окуу-тарбия комплекс мектеп-гимназиясы;

Ош шаарындагы “Жетиген” мектеп-лицейи.

Каттоого мамлекеттик үлгүдөгү документтер менен ырасталган жалпы орто же кесиптик орто билими бар жана учурда 2022-2023-окуу жылында ЖОЖдордо окубаган адамдарга уруксат берилет.

Белгилесек, 49 жогорку окуу жай кышкы кабыл алууну өткөрөт. Алардын ичинен: 17 мамлекеттик, 33 мамлекеттик эмес жогорку окуу жайлар.

Автор: Айжанар Рыспек кызы
Фото: Айпери Бакталбек кызы