Ош. Митинг бүтүп, эл таркай баштады

Бүгүн, 7-декабрда Ош шаарында митингге чыккандар экс-мэр Мелисбек Мырзакматов тарабынан айтылган бир нече талаптарды бир добуштан колдоого алышты.

Коюлган талаптар:

Саруу айылынын жашоочуларынын талаптарын аткаруу;

Ахматбек Келдибековду үй камагына чыгаруу;

Ош шаарынын мэрин шайлоону ачык жана таза өткөрүү;

Камчыбек Ташиевдин уулунун мойнуна башка да уурдалган дөңгөлөктөрдү илүү аракеттерин токтотуу;

Ош шаардык кеңешинин депутаты Шайлообек Атазовго карата куугунтукту токтотуу жана башкалар.

Учурда эл "мэрди шайлоо күнү кайрадан ушул жерден жолугабыз" деп тарай башташты.

Эске салсак, 5-декабрда КР Өкмөт башчысы Жантөрө Сатыбалдиевдин буйругу менен Ош шаарынын мэринин милдетин аткаруучу Мелисбек Мырзакматов кызматынан бошотулган эле.

Белгилей кетсек, бүгүнкү митингге болжол менен 2000ден ашуун адам катышты.

Автор: Элира Чынтемир кызы, Дамира Арстанова