Прокуратура кызматкерлеринин күнүнө карата салтанаттуу иш-чара өттү

Прокуратура кызматкерлеринин күнүнө карата Башкы прокуратурада салтанаттуу иш-чара өткөрүлдү. Бул тууралуу атайын кызматтан билдиришти.

Кабарлангандай, салтанаттын жүрүшүндө башкы прокурор Курманкул Зулушев прокуратура органдарынын ушул жылдын 9 айына карата жетишкендиктери тууралуу маалымат берип, кызматтык милдеттерин артыкчылык менен аткарган кызматкерлерди сыйлады.

Иш-чарага министрлер кабинетинин төрагасы Акылбек Жапаров, Жогорку Кеңештин депутаты Элмурза Сатыбалдиев жана прокуратура органдарынын ардагерлери катышты.

Министрлер кабинетинин төрагасы президент Садыр Жапаровдун куттуктоосун окуп, жалпы прокуратура кызматкерлерин майрамы менен куттуктады.