"Коркпо! Токтот! Жаша!". Өлкөдө гендердик зомбулукка каршы 16 күндүк кампания башталды

Кыргызстан боюнча "Коркпо! Токтот! Жаша!" девизи астында гендердик зомбулукка каршы 16 күндүк кампания старт алды. Бул тууралуу министрлер кабинетинин маалыматында айтылат.

Акциянын негизги максаты – коомдун үй-бүлөлүк жана гендердик зомбулукка каршы аракеттерин жогорулатуу болуп саналат.

Ошол эле учурда аялдарга жана балдарга карата зомбулуктун алдын алуу жана жоюу боюнча иш-чаралар аркылуу коомчулуктун маалымдуулугун жогорулатуу, бул көйгөйгө коомчулуктун көңүлүн буруу жагы каралган.

Маалыматта министрлер кабинети гендердик зомбулуктун алдын алуу боюнча чараларды көрүү боюнча аракеттерди көрүп жатканы айтылат.

Ушул жылдын 16-сентябрында 2030-жылга чейин гендердик теңчиликке жетишүү боюнча улуттук стратегия жана 2022-2024-жылдарга гендердик теңчиликке жетишүү боюнча улуттук иш-аракеттер планы бекитилген.

Белгилей кетсек, 25-ноябрда - аялдарга карата зомбулукка каршы күрөшүүнүн эл аралык күнү, 10-декабрда адам укуктарынын эл аралык күнү белгиленет.

Автор: Максуда Кудайбердиева