Жогорку Кеңештин депутаты кармалып, кайра коё берилди

Жогорку Кеңештин депутаты Эмил Жамгырчиев түндө Казакстанга чыгып бара жатканда чек арадагы өткөрмө постунан кармалып, кайра коё берилгени кабарланды.

Бул тууралуу эл өкүлү Эльвира Сурабалдиева түнкү саат 1:22де Фейсбуктагы баракчасына жазды.

"Эмил Жамгырчиев менен Чыңгыз Айдарбеков маркумду акыркы сапарга узатуу зыйнатына бара жатышкан. "Ак-Жол-автожол" чек ара бекетинен эл өкүлдөрүн өткөрбөй коюшкан. Анткени Эмил Жамгырчиевге Кыргызстандан чыгууга тыюу салыныптыр. Эмил Жамгырчиевди УКМК кызматкерлери кармап кетишти", - деп жазган Сурабалдиева.

Көп өтпөй эле эл өкүлү бошотулганы кабарланды.

Эмил Жамгырчиев "Альянс" фракциясынын мүчөсү.

Депутатка эмне үчүн Кыргызстандан чыгуу тыюу салынганы кабарлана элек.

Автор: Максуда Кудайбердиева