Европа: Митингдин өзгөчө түрлөрү (фоторепортаж)

Румыния, 2012-жыл. Колуна уйдун бутун кармап, кийимине уйгак жабыштырган фермер. Демонстранттар өкмөттөн айыл чарба тармагына ири суммада акчалай жардам көрсөтүүнү талап кылышууда

Франция-Бельгиянын чек арасында, 1999-жыл. Бельгиялык фермерлер Францияга жүк жеткирүүгө киргизилген чектөөлөргө каршы жол тосушкан

Франция, 2013-жыл. Фермерлер кошумча нарк салыгынын жогорулашына нааразы болушуп, трассалардын бирин тосушкан

Франция, 2009-жыл. Сырьёнун арзандыгына нааразы фермерлер Lactalis компаниясынын кеңсесинин алдына малдын суюк кыгын төгүп кетишкен

Венгрия, 2008-жыл. Баасынын арзандыгын айтышкан фермерлер Будапешттеги дүкөндөрдүн биринин алдына 150 тонна дарбыз төгүп бийликке нааразычылык билдиришүүдө

Франция, 2009-жыл. Баанын түшүп кеткенин мисал кылышып, фермерлер Кольмар шаарынын борбордук аянтына картошка төгүшкөн

Франция, 2010-жыл. Айлыктары азайып кеткен фермерлер тракторлору менен Париждин бир катар көчөлөрүн тосушкан

Франция, 2013-жыл. Чочко багуучулар бийликтин салык саясатына каршы Лаваль шаарындагы көчөлөргө импорттолгон эттерди ташташкан

Бельгия, 2009-жыл. Сүттүн баасынын арзандап кетишине каршы фермерлер өткөргөн акция

Бельгия, 2012-жыл. Полиция кызматкери Брюсселде демонстранттардын сүт чачуусунан коргонуп жатат

Франция, 2009-жыл. Сүттүн баасынын арзандыгына нааразы жергиликтүү фермерлер Изини-ле-Буа шаарындагы борбордук аянтка сүт төгүшкөн. Иш-чарага фермерлердин үй-бүлөлөрү да катышкан

Германия, 2009-жыл. Сүт өндүрүүчүлөр Церников шаарынын жанындагы талаага сүт чачышууда. Талабы - сүттүн баасын жогорулатуу

Германия, 2008-жыл. Фермерлер сүттүн баасын кымбаттатуу талабы менен Берлин шаарында. Демонстранттардын колдорунда уйдун моюнуна тагылчу коңгуроонун чоңойтулган үлгүлөрү

Бельгия, 2011-жыл. Чочко багуучулар алып сатарлык менен алектенген борбордун эт ташуучулардын санын кыскартуу аракетине каршы чыгышкан

Греция, 2013-жыл. Салыктардын өсүшүнө каршы чыгышкан фермерлер Афины жана Салоники шаарларын байланыштырган трассаны бууп турушат

Германия, 2013-жыл. Сүт фермаларынын ээлери өкмөттүн агрардык саясатына каршы...

Франция, 2009-жыл. Айыл чарба азык-түлүктөрүнүн баасынын түшүп кетишине нааразы дыйкандар Кольмар шаарынын борбордук бөлүгүнө саман жана үрөн төгүү менен демонстрацияга чыгышкан

Франция, 2013-жыл. Айыл чарба кызматкерлери айлыктарын көтөрүү талабы менен Лион префектурасынын (аймактык административдик бирдик) имаратынын алдына эчкилерди байлашты

Франция, 2013-жыл. Салыктын жогорулашына каршы фермерлер аянтчада саман өрттөшүүдө

Бельгия, 2012-жыл. Сүттүн баасы түшүп кеткенине нааразы болгон фермерлер тракторлору менен Брюсселдеги Европарламенттин алдына нааразычылыкка чыгышкан

Ноябрдын аягында айлана-чөйрөнү коргоо тармагында стандарттардын катаалдашы жана салыктардын өсүшүнө каршы Парижде фермерлер митингге чыгышып “блокада” түзүштү. Бир катар трассалар жабык турду. Айта кетсек, европалык фермерлердин демонстрациясы көбүнчө трактор, жаныбарлардын түрлөрү, өздөрү өстүргөн азык-түлүктөр менен коштолот. Муну төмөнкү фотобаян да далилдейт...

Автор: Автандил Добулбеков
Фото: Интернет булактары