Талибдер британ ханзаадасы Гарринин Ооганстанда 25 адам өлтүргөнүнө реакция жасады

Улуу Британиянын ханзаадасы Гарри Ооганстанда кызмат өтөп жүргөндө жасаган адам өлтүрүүлөрү тууралуу айтканы үчүн сот жообуна тартылышы керек. Бул тууралуу Талибан кыймылынын жогорку даражалуу өкүлү Анас Хакани социалдык тармактагы баракчасына жазды.

"Гарри! Сен өлтүргөндөр шахмат фигуралары эмес, адамдар эле. Алардын кайтып келишин күтүп жаткан үй-бүлөлөрү бар болчу. Оогандыктарды өлтүргөндөрдүн арасында абийирин ачып, согуш кылмыштарын моюнуна алган адам көп эмес", - деп жазган Хаккани.

Буга чейин ханзаада Гарри Ооганстанда аскердик кызмат өтөп жүргөндө 25 кишини өлтүргөнүн моюнуна алган. Ошондой эле ал бул кылганына өкүнбөй тургандыгын билдирген.

Маалымат үчүн: "Талибан" кыймылы Кыргыз өлкөсүнүн аймагында террордук жана экстремисттик уюм катары таанылып, ишмердүүлүгүнө тыюу салынган.

Автор: Азат Бейшенбеков