Орусияда Кыргыз жаранын тоногон кылмыштуу топтун мүчөлөрү кармалды

Орусияда Кыргыз жаранын тоноого шектүү катары уюшкан кылмыштуу топтун мүчөлөрү кармалды. Маалыматты ИИМдин басма сөз кызматынан билдиришти.

Министрлик берген маалыматка ылайык, 2023-жылы 11-январда саат 02:00 чамасында Москва шаарынын аймагынан төрт белгисиз адам Кыргыз жаранын унаага отургузуп, сабап, акча каражатын жана башка буюмдарын тартып алышкан. Андан соң өлтүрөбүз деп коркутушуп, 100 миң рубль берүүнү талап кылышкан.

Бул факты Орусиянын ИИМинин Москва шаарынын Бибирево району боюнча бөлүмүндө катталган. Ошондой эле Орусиянын Кылмыш-жаза кодексинин 126-беренеси (Адам уурдоо) жана 163-беренеси (Опузалап талап кылуу) менен кылмыш иши козголгон.

Шектүү катары Кыргыз жарандарынан турган уюшкан кылмыштуу топтун мүчөлөрү: «Аза большой» каймана аттуу 30 жаштагы Базар-Коргон районунун тургуну Ж.А. (ал эле Э.А.), 30 жаштагы Базар-Коргон районунун тургуну О.уулу Э., 34 жаштагы Лейлек районунун тургуну С.А., Талас районунун тургуну Ж.Н. кармалган.

Тинтүү жүргүзүү учурунда шектүүлөрдүн биринен тапанча жана бычак табылган. ИИМдин Орусиядагы өкүлчүлүгү кармалгандардын ушул сыяктуу башка кылмыштарга катыштыгы бар экендигин жана кылмыштуу топтун башка мүчөлөрүн аныктоо максатында полициянын аймактык бөлүмдөрү менен тыгыз кызматташууну улантууда.

Жогорудагы адамдардын мыйзамсыз аракеттеринен жапа чеккен Кыргыз жарандары Ички иштер министрлигинин Орусиядагы өкүлчүлүгүнө төмөнкү номер аркылуу кайрылса болот: +7 926 890-87-00.

Автор: Айжанар Рыспек кызы
Фото: ИИМ

09:49 18-01-2023

Жазылуу

РУБРИКАДАГЫ СОҢКУ КАБАРЛАР

21:06 2025-06-26 | Түркүн дүйнө

Эл аралык космостук станцияга биринчи жолу Индия, Венгрия жана Польшанын астронавттары барышты 166 0

20:32 2025-06-26 | Түркүн дүйнө

60 күн керебетте жатышат. NASA салмаксыздыкты изилдөө үчүн ыктыярчыларды издөөдө 409 0

19:52 2025-06-26 | Саясат

Президент мектептерде мобилдүү түзүлүштөрдү пайдаланууну жөнгө салуу боюнча мыйзамга кол койду 345 0

19:21 2025-06-26 | Коом жана турмуш

"Мадина" базарындагы бир нече коомдук тамактануучу жай жабылды 561 0

18:58 2025-06-26 | Саясат

Мамлекеттик катчы БУУӨПтүн Кыргызстандагы туруктуу өкүлү менен жолугушту 222 0

18:27 2025-06-26 | Түркүн дүйнө

Франциядагы бороон: Эки адам каза болуп, 100 миңден ашуун имарат жарыксыз калды (видео) 820 0

Архив

Комментарийлер (1)

Ekb92

2023-01-18 14:16:00

Кыргызды кыргыз тонойт, далбаептор кучунор жетсе ооустарды тоногула, Дагестанецтер бар, Армен и Азербайджан, силердин колунардан только кыргыздарды грузить этиш келет, котунорго с.....н орустар, азыр 21 кылым, жапайычылыкты токтотуп, спокойно барып иштеп Акча тапкыла.

Комментарий калтыруу үчүн өз ысымыңыз менен кириңиз же каттоодон өтүңүз.