ЖОЖдорго кышкы кабыл алуунун IV этабы башталды

Жогорку окуу жайларга келишимдик негизде окуу үчүн кышкы кабыл алуунун IV туру башталды. Бул тууралуу бүгүн, 23-январда Билим берүү жана илим министрлигинен маалымдашты.

Кабарга ылайык, талапкерлерди каттоо 25-январь күнү саат 14:00дө аяктайт.

"Кабыл алууга сунушталган абитуриенттердин тизмеси 26-январь күнү саат 9:00гө чейин жайгаштырылат. Андан соң абитуриент окууга болгон каалоосун 2023-жылдын 28-январы саат 16:00гө чейин тастыктоосу керек", - деп жазылат маалыматта.

Маалымат үчүн: I, II, III турдун жыйынтыгы менен жалпысынан 693 талон катталып, ЖОЖдор 656 абитуриентти кабыл алууга сунуштаган. Андан 554 абитуриент окууга болгон каалоосун ырастады.

Автор: Айзада Кыдырмышева
Фото: Айзада Кыдырмышева