Өзгөндө жаңы бала бакча пайдаланууга берилди

Ош облусунун Өзгөн районуна караштуу Жылалды айылында “Саадат эне” бала бакчасы пайдаланууга берилди. Бала бакча 75 орунга ылайыкташканын президенттин облустагы өкүлчүлүгүнөн билдиришти.

"Иш-чарага президенттин өкүлү Зиядин Жамалдинов, Өзгөн районунун акими Шабдан Абыкаев жана жергиликтүү тургундар катышты", - деп айтылат маалыматта.

Маалымдалгандай, аталган балдар бакчасында учурда 55 бала тарбияланып жатат.

Курулуш толугу менен республикалык бюджеттен каржыланган. Долбоордун сметалык баасы 30 миллион сомду түзөт.

Автор: Максуда Кудайбердиева