"Эмгекти күтсөк, эрмектеп баарын, Эмне эле болуп калдыңар бийлик?" Жеңишбек Жумакадыр бийликке кайрылды

Кыргыз Эл акыны Жеңишбек Жумакадыр камактагы төкмө акын Болот Назаровго арнап ыр чыгарды. Анда ал акындын камалышы боюнча нааразычылыгын билдирип, бийликке кайрылган.

Тизгинди колго алдыңар билдик,

Тизмелеп камап салдыңар билдик.

Акыйкат айтып койгону үчүн,

Акынды мынча чандыңар бийлик.

Эмгекти күтсөк, эрмектеп баарын,

Эмне эле болуп калдыңар бийлик?

*****

Өчсө да жарык макулбуз бийлик,

Өчпөгөн бирок атуулбуз бийлик.

Өңгөнү билбейм, эзелтен бери,

Өнөрсүз жарды, жакырбыз бийлик.

Өткөнгө өчтү өчүргөн жакшы,

Өтүнүп айтып жатырбыз бийлик.

*****

Убада берип сый алдың бийлик,

Убара тартып сыналдың бийлик.

Уруулар канча миллион жеген,

Уурудай көбүн чыгардың бийлик.

Болгондур ката, жаш болбос ким бар,

Болотту эми чыгаргын бийлик.

*****

Кечирим сооп тандагын бийлик,

Кеч болгон жолго барбагын бийлик.

Караган күн да тез эле батат,

Кара так болуп калбагын бийлик.

Түштөгү күлкү өңдө ый дешет,

Түшүнөсүңөр ал жагын бийлик!

*****

Сый күткөн жерден уу алдым бийлик,

Уу күткөн жерден сый алдым бийлик.

Бир ишиңерге кубандым бийлик,

Бир ишиңерден уялдым бийлик.

Бололу бирге сурандым бийлик,

Болотту эми чыгаргын бийлик.

Учурда бир катар маданият өкүлдөрү жогорудагы ырды социалдык тармактагы баракчалары аркылуу бөлүшүп, Болот Назаровдун камакта калтырылышына нааразычылыктарын билдиришүүдө.

Эске салсак, Болот Назаровдун ишине байланышкан соттук отурум 19-январда Чүй облусунун Москва райондук сотунда каралган. Анда мамлекеттик айыптоочу Назаровду 10 жылга эркиндигинен ажыратууну суранганын жактоочусу Бакыт Автандил билдирген.

Акын Болот Назаров былтыркы жылдын 9-ноябрында Чүй облустук ички иштер башкармалыгы тарабынан тоноочулукка шектелип кармалган.

Автор: Жанбулат Жумабеков

10:05 24-01-2023

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

Zumrudianka

2023-01-24 13:16:00

Озунорчо онор адамы деп эле алжыган бульбуляторду деле колдой бересинерби, чычып алсанарда бийлик деп ыр чыгаргыла. Эмнеге силер камалбайсынар себеп? Себеби силер туура жолдо оз ишинер онор менен алексинер а бул бульбулятор эмне мн алек болгон чон айырма бар, ошону да эске алып бийлике асылганынарды, ыр токуп сын айтканынарды токтоткула. Мыйзам баарына бирдей эмне акын деп эле кылмышына коз жумуш керекби?

Antiradikal12

2023-01-24 18:26:00

Zumrudianka атандын башы дура! Жугундукор!!!

Antiradikal12

2023-01-24 18:27:00

Zumrudianka, биринчиден жалган жалаа менен камалган. Экинчиден миллиарддарды уурдаган Раим миллион баш болгон кит уурулар эркин азаттыкта жургондо, ат уурдады деп камоо кулкулуу.......

Комментарий калтыруу үчүн өз ысымыңыз менен кириңиз же каттоодон өтүңүз.