Бишкекте кыргыз-өзбек бизнес форуму өтөт

Эртең, 25-январда Бишкекте кыргыз-өзбек бизнес форуму өтөт. Бул тууралуу Соода-өнөр жай палатасынын маалыматында айтылат.

"Бизнес-форумда айыл чарба, туризм жана жеңил өнөр жай тармагында иш алып барган бизнес-коомчулуктун өкүлдөрүнүн ортосунда конструктивдүү диалог куруу үчүн жаңы байланыштар жана мүмкүнчүлүктөр түзүлөт", - деп айтылат билдирүүдө.

Форумдун арты менен ата мекендик ишкерлерге Өзбекстандын бизнес секторунун өкүлдөрүнүн ортосунда өнөктөштүк мамилелерди түзүү жана чөйрөнү кеңейтүү үчүн уникалдуу мүмкүнчүлүк түзүлөт.

Автор: Максуда Кудайбердиева