Майлуу-Сууда таза суу бериле баштады

Майлуу-Сууда ичүүчү таза суу бериле баштады. Бул тууралуу ӨКМнын маалымат кызматынан билдиришти.

Маалыматка ылайык, Майлуу-Суу шаарына ичүүчү таза суу бүгүн, 25-январдан тарта штаттык негизде бериле баштады.

15 чакырым аралыкта суу түтүкчөлөрү ӨКМнын өздүк курамы жана шаар сууканал ишканасынын кызматкерлеринин жардамы менен эритилди.

Учурда Майлуу-Суу шаарына киргизилген өзгөчө кырдаал режимин жоюу максатында дыкат иш алып барылууда.

Эскерте кетсек, 2023-жылдын 12-январында катуу сууктун айынан Майлуу-Суу шаарындагы калкты таза суу менен камсыз кылуучу сууканалынын түтүктөрү тоңуп, жылуулук берүү жана таза суу менен камсыз кылуу үзгүлтүккө учураган. Мындан улам 13-январда Майлуу-Суу шаарына өзгөчө кырдаал режими киргизилген.

Автор: Алина Айдарбекова