Бишкекте айрым маршруттук каттамдардын жүрүү тартиби өзгөрдү (тизме)

Бишкекте айрым маршруттук каттамдардын жүрүү тартиби өзгөрдү. Бул тууралуу мэриянын маалымат кызматынан билдиришти.

Маалыматка ылайык, Бишкек шаарынын мэриясынын Транспорт жана жол-транспорт инфратүзүмдү өнүктүрүү бөлүмүнүн кезектеги жыйынында коомдук транспорттордун жүрүү схемасын өзгөртүү боюнча 5 маселе каралды.

Талкуунун жыйынтыгында төмөнкүдөй чечим кабыл алынды:

«Кызыл-Туу айылы – Ош базары» деген жазуу менен №18-автобустук каттамдын кыймылынын схемасын жарым-жартылай өзгөртүү;

«Дордой Бис» ЖЧКсынын №233, 234-маршруттук кичиавтобустун кыймылынын схемасы кичиавтобустук каттамдардын пландуу чыгууларын көбөйтүү шартында өзгөртүлсүн;

№234 маршруттук кичиавтобустун кыймылы Төкөлдөш кичи районуна чейин (Виноградная көчөсүнө чейин) узартылсын;

№233 маршруттук кичиавтобустун кыймылы Чүй облустук ооруканасына чейин узартылсын.

Маалымат үчүн: Бишкек шаарынын мэриясынын Транспорт жана жол-транспорт инфратүзүмдү өнүктүрүү бөлүмүндө ар аптанын жума күнү шаардык каттамдарды ачуу, өзгөртүү жана жабуу маселелерин кароо үчүн ведомстволор аралык комиссиянын жыйыны өтөт.

Автор: Алина Айдарбекова