Кадамжайда 2 жаштагы наристени сабаган келиндин атасын жана инисин өлтүрүп кетишкен

Баткен облусунун Кадамжай районунда 2 жаштагы наристени сабаган аялдын атасы жана иниси 2022-жылдын сентябрь айында Тажикстан менен болгон кагылышууда каза болгон. Бул тууралуу SUPER.KG порталына келиндин таякеси Мавлянжан Айдаров билдирди.

Мавлянжан Айдаровдун айтымында наристени урган келин депрессияда жүргөн.

"Мындан 4 ай мурун Тажикстан менен болгон кагылышууда жээнимдин (ред. наристени урган келин) атасы жана бир тууган иниси каза болгон. Ошондой эле апасы башынан жаракат алган. Ошондон бери жээним депрессияда болуп, түнү чочуп ойгонуп, атасы менен сүйлөшө берчү. Бул кызга психологиялык жардам керек эле, эмнеге минтип жазалап жатышат?", - деди Айдаров.

Ошондой эле Мавлянжан Айдаров күйөө баласына арызыңды ал деп барганын, бирок ал үйүнөн чыкпай койгонун кошумчалады.

"Бардык эле эне баланы ошентип тарбиялайт да. Балдары чалып алып "Бизди качан алып кетесиңер?" деп ыйлап жатат. Эркек башым менен өзүм шолоктоп ыйладым. Күйөө балама арызыңды кайра ал деп айтайын деп барсам үйүнөн чыкпай койду", - деп кошумчалады ал.

Буга чейин аталган окуяга байланыштуу аялга карата кылмыш иши козголгону кабарланган.

Эске салсак, 30-январда социалдык тармактарда энеси баласын сабап жаткан видео тарап, бул окуя көпчүлүктүн нааразычылыгын жараткан. Кийинчерээк аял баласын күйөөсүнө таарынганынан улам сабап, сабап жаткандагы видеосун жолдошуна жөнөткөндүгү белгилүү болгон.

Автор: Азат Бейшенбеков

16:46 01-02-2023

Жазылуу

РУБРИКАДАГЫ СОҢКУ КАБАРЛАР

08:33 2025-05-13 | Спорт

Жалал-Абаддагы үч шаарда курулуп жаткан стадиондор качан колдонууга берилери айтылды 131 0

08:13 2025-05-13 | Кылмыштар, кырсыктар

Бишкекте ишкерге айып пул салган салыкчы административдик жоопкерчиликке тартылды 175 0

08:00 2025-05-13 | Саясат

Садыр Жапаров Жалал-Абаддагы Кыргызстан жана Россиянын аймактарынын достук паркында болду 225 0

07:50 2025-05-13 | Коом жана турмуш

Дүйнөлүк валюталардын сомго карата учурдагы наркы 220 0

23:56 2025-05-12 | Түркүн дүйнө

Индия Пакистандын кадамына көз салмай болду 1049 0

23:35 2025-05-12 | Түркүн дүйнө

Билл Гейтс 20 жыл ичинде байлыгынын дээрлик бардыгын кайрымдуулукка берүүнү чечти 1095 0

Архив

Комментарийлер (3)

Нургазы

2023-02-01 17:03:00

Бул окуяга Тажикстан менен кагылышуунун тиешеси жок.

Aibek_eka

2023-02-01 18:18:00

Нургазы эмнеге тиешеси жок экен эмне деген адамдар олуп кетти бир убакта атасы мн инисин жоготсо эри кетип калса башка аялга депрессия болотда

-1

Patriotka

2023-02-01 18:37:00

Келинге камабай колдоо корсотуш керек,аягы жаман болот камакта.Чыгарып дем салдырып кучтуу молдого,психотерапевтке корсотуп дарылаш керек байкушту.Катуу стресс алган окшойт,жакындары катар олуп,куйоосу таштап кетсе любая аял жинди болот.

-1

Комментарий калтыруу үчүн өз ысымыңыз менен кириңиз же каттоодон өтүңүз.