Түркиядагы жер титирөө: Тышкы иштер министрлиги билдирүү жасады

Алдын ала маалымат боюнча, Түркиядагы катуу жер титирөөдөн каза болгондордун жана жабыркагандардын арасында Кыргызстандын жарандары жок. Бул тууралуу Тышкы иштер министрлиги билдирди.

Маалыматка ылайык, министрлик Түркиядагы жер титирөөнүн кесепетинен жабыркагандар тууралуу маалыматты тактап жатат. Алдын ала маалымат боюнча, каза болгондордун арасында Кыргыз Республикасынын жарандары жок.

Бүгүн, 6-февраль күнү эртең менен Түркиянын түштүк-чыгышында күчү 7,4 баллга жеткен катуу жер титирөө болуп, ар кайсы шаарлардагы ондогон имараттар кыйрады. Акыркы маалыматтар боюнча жер титирөөдөн каза болгондордун саны 76га жетти.

Автор: Азат Бейшенбеков