Жапаров: "Салык жана бажы кызматтарынын статистикалык маалыматтары дал келе баштады"

Министрлер кабинетинин төрагасы Акылбек Жапаров Мамлекеттик бажы кызматынын кеңейтилген коллегиясына катышты. Бул тууралуу бүгүн, 9-февралда өкмөттүн маалымат кызматынан кабарлады.

Маалыматка ылайык, коллегиянын жүрүшүндө мекеменин 2022-жылдагы ишинин жыйынтыгы жана үстүбүздөгү жылга пландары каралды.

Министрлер кабинетинин башчысы салык жана бажы кызматтарынын иши ажырагыс байланышта экендигин белгиледи.

"Эки кызматтын статистикалык маалыматтары дал келе баштады, учурда айырмачылыктар анча чоң эмес. Мурда фискалдык орган тарабынан берилген маалыматтар бажы кызматынын көрсөткүчтөрүнөн айырмаланып келген. Бажы жол-жоболорун санариптештирүү боюнча көп иштер жасалды, азыр биз республиканын ичиндеги товарлардын кыймылын көрүп жатабыз, товар агымына көзөмөл пайда болду", - деди Жапаров.

Ал мындан сырткары 2022-жылдын январь-ноябрь айларында тышкы сооданын көлөмү 10,5 миллиард долларды түзүп, 140,4 пайызга өскөнүн кошумчалады. Ошондой эле план аткарылбагандыгы үчүн катуу чаралар көрүлөрүн айтты.

Коллегиянын ишинин жыйынтыгы боюнча министрлер кабинетинин төрагасы төмөнкүлөрдү тапшырды:

⁃ санариптик бажы системасын түзүү;

⁃ бардык бажы процесстерин оперативдүү башкарууну жана реалдуу убакыт режиминде бажы кызматынын ачыктыгын камсыз кылуу;

⁃ эл аралык соода жол-жоболорун жеңилдетүү боюнча ишти күчөтүү;

⁃ импорттун жана экспорттун көлөмүн көбөйтүү боюнча иштерди улантуу;

⁃ мамлекеттик чек ара аркылуу товарларды жана транспорт каражаттарын алып өтүүдө жалган декларациялоо боюнча иштерди күчөтүү.

Автор: Бек Оморбеков

20:30 09-02-2023

Жазылуу

РУБРИКАДАГЫ СОҢКУ КАБАРЛАР

19:58 2025-06-27 | Бизнес-Инфо

Дем алыш күндөрүн чоң футбол менен өткөрүңүз – Saima + O!TV менен бирге көрүңүз 24 0

19:55 2025-06-27 | Түркүн дүйнө

"Атамда армян каны бар". Филипп Киркоров армениянын өкмөт башчысы Пашинянга кайрылды (видео) 94 0

19:26 2025-06-27 | Коом жана турмуш

Ноокаттагы Ак-Булактын тургундары өз эсебинен айылына көпүрө салышты 128 0

19:05 2025-06-27 | Коом жана турмуш

Баткендеги чек араны тосуу иштери, аскерлерге болгон камкордук (видео) 367 0

18:49 2025-06-27 | Коом жана турмуш

Ысык-Атада Такыр-Төр көлү ташып, 180 адам эвакуацияланды 558 0

18:39 2025-06-27 | Кылмыштар, кырсыктар

Кызды бетке чапкан милиция кызматкери үй камагына чыгарылды 492 0

Архив

Комментарийлер (2)

XATSAN125

2023-02-09 20:59:00

Итинен битине чейин пара менен кармалып атса каяктагы дал келуу.10сомдук нерсени 100 сомдон сатып атса каяктагы дал келуу. 42 сомдук бензин 65 сомдон сатылып атса каяктагы дал келуу

XATSAN125

2023-02-09 21:01:00

Пайдасынан зыяны коп баажынын копостордон болок карапайым элге грамм жардамы жок каяктагы дал келуу кантип дал келуу Жапаров тияк биякты карап суйлодубу же только асманды карап калганбы ылдыйды корбой

Комментарий калтыруу үчүн өз ысымыңыз менен кириңиз же каттоодон өтүңүз.