Түркияга дарыгерлер менен бирге дары-дармек түрүндөгү гуманитардык жардам жөнөтүлөт

Түркияга зилзаладан жабыркагандарга медициналык жардам көрсөтүү үчүн дарыгерлер жөнөтүлөт. Бул тууралуу бүгүн, 11-февралда Саламаттык сактоо министрлигинен билдирди.

Маалыматка ылайык, жардам көрсөтүү үчүн нейрохирург, травматолог, реаниматолог-анестезиолог, кан тамыр боюнча хирург жана жалпы профиль боюнча хирург барат. Дарыгерлер Кыргызстандын Өзгөчө кырдаалдар министрлигинин мобилдик госпиталында медициналык жардам көрсөтүшөт.

Ошондой эле дары-дармек жана медициналык каражаттар түрүндөгү гуманитардык жүк жөнөтүлөт. Мындан тышкары, медициналык кызматкерлер Түркиядагы жер титирөөдөн жабыркагандарга бир күндүк эмгек акысын которору айтылды.

Автор: Бек Оморбеков
Фото: Саламаттык сактоо министрлиги