Түркияга жардам катары чогултулган каражаттын суммасы айтылды

Түркиядагы жер титирөөдөн жабыркагандарга жардам үчүн ачылган атайын эсепке 4 миллион 958 миң 834 сом 41 тыйын жана 12 миң 550 рубль чогулду. Бул тууралуу Финансы министрлигинин бүгүн, 13-февралдагы маалыматында көрсөтүлөт.

Буга чейин Түркиядагы жер титирөөдөн жабыркаган жарандар үчүн Финансы министрлигинин Борбордук казыналыгында атайын бирдиктүү депозиттик эсеп ачылган.

Табигый кырсыктын кесепеттерин жоюуга жардам берүүнү каалагандар эсептин реквизиттерине сом, доллар, рубль жана евро валютасында каражат которо алышат.

Банк: “Айыл Банк” ААК

ИНН 01803199710084

БИК 135001

ОКПО 30597768

Эсептин номери: № 1350102119900169 «Кыргыз Республикасынын Финансы министрлигинин транзиттик эсеби (Түркия Республикасына жардам)» (сом, рубль, АКШ доллары, евро)

Төлөм коду: 14411100 - "Учурдагы жардам";

Автор: Айжанар Рыспек кызы
Фото: Бек Оморбеков