Борбор калаада 170 даана көчөт отургузулду

Бишкекте 170 даана жаш көчөттөр отургузулду. Бул тууралуу мэриянын басма сөз кызматы кабарлады.

Маалым болгондой, “Бишкекжашылчарба” муниципалдык ишканасынын багбандары жабык тамыр тармактары менен ийне жалбырактуу көчөттөрдү Абдрахманов, Ибраимов жана Байтик-Баатыр көчөлөрүнө отургузуу иштерин улантууда.

"Кыш мезгилиндеги көчөт отургузуунун жаз мезигилине караганда көптөгөн артыкчылары бар. Кышында өсүмдүктөр уйку абалында келип, көчөттү отургузуу убагында тамыр тармактарына күч келип кыйналышпайт" деп жазылат маалыматта.

Автор: Айжанар Рыспек кызы