Дамира Ниязалиева “элдин мүлкүн сатып байыгысы келгендер мэрлик кызматка кызыгышат” дейт

Бүгүн, 10-декабрда ЖКнын Социалдык саясат комитетинин жыйынында депутат Дамира Ниязалиева “адамдар элдин мүлкүн сатып байыгысы келип, мэрлик, башкы дарыгерлик кызматтарга барышат” деп билдирди. Айтымында, мамлекеттик кызматта иштегендер коррупциялык жолдор менен гана байышат. “Эч кандай бизнеси жок, мамлекеттик кызматта иштегендер кантип байый турганына жооп алдым. Жарандар мэр, башкы дарыгер болуп иштеп турганда коррупциялык схемалар менен байып, анан акырын кызматын бошотуп кете беришет”,- дейт Ниязалиева.

Депутат медициналык мекемелерге таандык жерлер жеке менчикке ижарага берилип жатканын мисал кылды жыйында.

Автор: Автандил Добулбеков