Жүз имам билимин жогорулатат

Кыргызстан мусулмандар дин башкармалыгынын маалымат кызматынын билдирүүсүндө, 16-22-декабрь аралыгында Бишкек шаарында имамдардын билимин жогорулатуу боюнча бир жумалык окуу курсу уюштурулат.

Окуу курсуна ар бир облустун баш имам-хатибдери менен биргеликте чоң мечиттерден 100 имам келип катышат. Аларга атайын бекитилген программа менен белгилүү устаздар лекцияларды окушат.

Белгилей кетсек, аталган иш-чара Кыргызстан мусулмандарынын дин башкармалыгы тарабынан Бүткүл дүйнөлүк жаштарды колдоо уюму менен биргеликте уюштурулууда.

Автор: Дамира Арстанова