Министрлик Кара-Сууда окуучулардын ууланышы боюнча билдирүү таратты

Билим берүү жана илим министрлиги Кара-Сууда 43 окуучунун атыр жытына ууланганы боюнча маалымат берди. Ага ылайык, окуя кечээ, 29-мартта №101 Кумар Момбекова атындагы орто мектебинде болуп, 6-класстын окуучулары ууланган.

"Сабакта 43 окуучу болгон. Окуя катталган күнү, 29-мартта бардык окуучулар дарыгерлердин көмөзөмөлүнөн өтүп, 18 окуучуну 24 саатка текшерүү үчүн ооруканага жаткырып туруу боюнча чечим чыгарылган. Калган окуучулардын ден соолугуна доо кетпегени үчүн үйлөрүнө коё берилген", - деп билдиришти министрликтен.

Саламаттык сактоо министрлигинин маалыматка ылайык, текшерүүгө алынган 18 окуучунун абалы жакшы. Бүгүн алардын ичинен 14ү ооруканадан чыгарылды.

Автор: Айжанар Рыспек кызы