Бишкек мэриясы “Батуми” кафесинин мыйзамсыз бузулушу боюнча маалыматка комментарий берди

Бишкек мэриясы “Батуми” кафесинин мыйзамсыз бузулушу боюнча маалыматка комментарий берди.

Маалыматта социалдык тармактарда “Батуми” кафесинин администрациясына эскертүү мөөнөтү берилгени тууралуу такталбаган маалыматтар тарап жатканы белгиленет.

Белгиленгендей, ыктыярдуу демонтаждоо тууралуу билдирүү ушул жылдын 17-майында берилген. Бирок билдирүүдө көрсөтүлгөн талаптар аткарылган эмес.

Белгилей кетсек, кечээ, 24-майда Тыналиев көчөсүндөгү жалпы аянты 1300 чарчы метрди түзгөн “Батуми” кафеси Жер пайдаланууну көзөмөлдөө башкармалыгынын кызматкерлери "Тазалык" ишканасынын атайын бөлүмү менен биргеликте бузуу иштерин башташкан.

Автор: Гүлкайыр Бабаева
Фото: Бишкек шаардык мэриясы