Эстониянын премьер-министри Андрус Ансип Кыргызстанды кызматташууну бекемдөөгө чакырды

Бишкекте бүгүн, 12-декабрда Эстониянын премьер-министри Андрус Ансип “Инвестицияларды өнүктүрүү: Кыргызстан - Эстония” аттуу тегерек столдун жүрүшүндө эки мамлекеттин кызматташтыгын бекемдөөгө чакырды.

“Кыргызстанда болгонума абдан кубанычтамын. Өз кезинде эстониялык географ, геологдор Ысык-Көлгө келип тажрыйба өтөп кетишкен. Менимче, биздин алаканы жакшыртууга жакшы пайдубал бар. Анткени тарыхыбызда бири-бирибизди жакшы тааныган учурлар да болгон.

БУУнун деңгээлинде кызматташып жатып бири-бирибизге ишеним көрсөтө алабыз. Эки мамлекеттин ортосундагы кызматташууну чыңдоо керек деп эсептейм.

Биздин мамлекет Евробиримдикке кирет жана 2011-жылдан бери евро валютасын колдонуп келебиз. Мамлекеттик карыз дээрлик жокко эсе”,- деди Андрус Ансип.

Автор: Айпери Ганыжан кызы