Асылбек Жээнбеков Эстониянын премьер-министри Андрус Ансип менен электрондук өкмөттү ишке киргизүү тууралуу талкуулашты

Жогорку Кеңештин төрагасы Асылбек Жээнбеков Эстониянын премьер-министри Андрус Ансип менен жолугуп, электрондук өкмөттү ишке киргизүү тууралуу талкуулашты. Бул тууралуу бүгүн, 12-декабрда парламенттин басма сөз кызматы кабарлайт.

Жолугушууда тараптар электрондук өкмөттү ишке киргизүүдөгү Эстониянын тажрыйбасын колдонуу мүмкүнчүлүгү жана Кыргызстандын шайлоо системин өнүктүрүү тууралуу пикир алышты.

Ошондой эле туризм, тоо-кен өнөр жайы, маалымат технологиялары, соода-экономикалык кызматташтык тууралуу талкуу болду.

Автор: Темирбек Матаев
Фото: Жогорку Кеңештин басма сөз кызматы