Орусиянын Тышкы иштер министри Кыргызстанда кабыл алынган кыргыз тили боюнча мыйзамды сындады

Кечээ, 23-июлда Орусиянын тышкы иштер министри Сергей Лавров Кыргызстанда мамлекеттик тил мыйзамынын кабыл алынышы боюнча пикирин билдирди.

Ал чет мамлекетте орус тилин, маданиятын, атамекендик билимди алдыга жылдыруу аракети тууралуу сөз козгоп, учурда КМШда оңой эмес процесстер болуп жатканын айтты.

"Борбор Азия өлкөлөрүндө мыйзамдарды активдүү кабыл алып жатышат. Кыргызстанда мыйзам кабыл алынган. Бул идея бир нече ай мурда жаңыдан жаралганда, биз кыргыз досторубузга бул толук демократиялуу эмес экенин эскерткенбиз. Мен бардык мамлекеттик кызматкерлерди кыргызча билип, ошол тилде иштөөсү тууралуу айтып жатам. Мамлекеттик кызматкерлердин бул тобуна мугалимдер да, мамлекеттик медициналык мекемелердеги дарыгерлер да кирген. Биз ишти улантабыз. Бир канча жолу эскерттик. Кыргызстандын Конституциясында орус тили улуттук баарлашуунун тили бойдон калганына карабастан, бирок башка жакка бурулуп калды"- деп билдирген Лавров.

Белгилүү болгондой, Лавров мындай билдирүүнү 19-июлда коммерциялык эмес уюмдардын өкүлдөрү менен жолугушуу учурунда айткан.

Белгилей кетсек, буга чейин президент Садыр Жапаров “Кыргыз Республикасынын мамлекеттик тили жөнүндө” конституциялык мыйзамга кол койгон. Анда мамлекеттик тилди колдонуунун жана мамлекеттик тил саясатын жүзөгө ашыруунун укуктук негиздери, аны өнүктүрүү үчүн шарттарды түзүүдө мамлекеттик органдардын, мекемелердин, уюмдардын жана жергиликтүү өз алдынча башкаруу органдарынын милдеттери белгиленген. Ошондой эле мамлекеттик мекемелерде иш кагаздар милдеттүү түрдө кыргыз тилинде жүргүзүлүп, расмий иш-чаралар да мамлекеттик тилде өткөрүлөрү жазылган.

Автор: Ширин Марат кызы

10:49 24-07-2023

Жазылуу

РУБРИКАДАГЫ СОҢКУ КАБАРЛАР

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 380 0

16:39 2025-05-14 | Коом жана турмуш

Таласта айрым дарыяларда балык уулоого убактылуу тыюу салынды 193 0

15:44 2025-05-14 | Коом жана турмуш

Депутат Кой-Таш окуясында жабыркаган генералдын пенсиясын көтөрүүнү сунуштады (видео) 604 0

15:34 2025-05-14 | Коом жана турмуш

Түрк тили күнүнө карата Кыргызстанда түрк ырларынын сынагы өттү (сүрөттөр) 178 0

15:29 2025-05-14 | Коом жана турмуш

15-майга карата аба ырайы 354 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 517 0

Архив

Комментарийлер (2)

Azat-123

2023-07-24 16:57:00

Биздин Конституцияга ачык эле кийлигишип алыптырго, бул ким өзү? тим эле эскертем дейтго чал

Asmat84

2023-07-24 22:41:00

Бул жүн баштар бир жолу эле Кыргызстандын ар бир ишине кийлигишип алышкан го тим эле толук демократиялык өлкө эмессиңер деп жаман каттуу суйлоптур го. Көрдүңөрбү киргиздер каерде болбосун кызтекеленип орусча суйлойсунор аны уккан жүн баштар акырындык менен өздөрүнүн тилин тыгып атышат, сукалар. Акылынар болсо кыргыз деп куйсонор орус тилин суйлобогуло Кыргызстанда биздин өзүбүздүн тилибиз бар динибиз бар өлкөбүз бар биз манкурт эмеспиз

Комментарий калтыруу үчүн өз ысымыңыз менен кириңиз же каттоодон өтүңүз.