Бишкекте туруктуу үйү жок адамдарга арналган акция өтөт

Бишкектеги Биринчи Май районуна караштуу социалдык өнүктүрүү башкармалыгы 20-декабрда шаарда туруктуу үйү жок адамдарга арналган акция өткөрөт. Бул тууралуу бүгүн, 13-декабрда Социалдык өнүктүрүү министрлигинин басма сөз кызматы билдирди.

Башкармалыктын жетекчиси Чокон Алакановдун айтымында, аталган иш-чарага социалдык кызматкерлер, ИИМдин жана Саламаттыкты сактоо министрлигинин өкүлдөрү катышат.

Акциянын максаты – туруктуу үйү жок адамдардын кургак учук, ВИЧ жана башка ооруларга чалдыкпаганын аныктоо үчүн өткөрүлөт. Ошондой эле селсаяктар флюорографиядан өтүү мүмкүнчүлүгүн алышат.

Мындан сырткары акысыз тамак жана кийим-кече берилет.

Автор: Айпери Ганыжан кызы