"Сосновка" постундагы оор жүк ташуучу унааларга коюлган чектөө алынды

"Сосновка" постунда оор жүк ташуучу унааларга коюлган чектөө алынды. Бул тууралуу бүгүн, 1-ноябрда "Кыргызавтожол" мамлекеттик ишканасынын маалымат кызматынан билдиришти.

"Учурда №9 жол тейлөө ишканасы тарабынан Бишкек - Ош унаа жолунда аба ырайынын шартына байланыштуу жолдорду кардан тазалоо жана инерттик материалдарды себүү иштери жүргүзүлүүдө", - деп айтылат билдирүүдө.

Белгилей кетсек, кечээ, 31-октябрда аба ырайынын кескин начарлашынан улам, "Сосновка" постунда саат 13:00дөн тарта оор жүк ташуучу унааларга убактылуу чектөө киргизилген болчу.

Автор: Максуда Кудайбердиева