Бишкекте таштандыдан табылган ымыркай: Шектүү 2024-жылга чейин камакта калды

Бишкекте жаңы төрөлгөн ымыркайды өлтүрүүгө аракет кылган деген шек менен кармалган жаран 2024-жылдын 11-январына чейин камакта калды. Бул тууралуу Октябрь райондук соту кабарлады.

Маалыматка ылайык, кечээ, 12-ноябрда ымыркайын таштандыга ыргыткан кыздын баш коргоо чарасы сотто каралып, сот аны 11-январга чейин камакка алуу чечимин чыгарган. Ал СИЗО-1ге киргизилди.

9-ноябрда Бишкектеги таштанды челектен баштыкка салынган жаңы төрөлгөн ымыркай табылган. Алгач аны пакистандык жарандар байкап, кийин милиция кызматкерлерин чакырышкан.

Ымыркай №1 төрөт үйүнө которулган, абалы туруктуу.

Автор: Азат Бейшенбеков