Арча-Бешикте кутуга салынып ташталган ымыркай: 2003-жылы туулган кыз кармалды

Бишкектин Арча-Бешик конушунда ымыркайын баштыкка ороп, кутуга салып таштап кеткенге шектелип ымыркайдын энеси кармалды. Бул тууралуу Ленин райондук ички иштер бөлүмү билдирди.

Билдирүүгө ылайык, бул факты боюнча иликтөө жана ыкчам-издөө иш-чараларынын жүрүшүндө милиция кызматкерлери тарабынан 2003-жылы туулган С.Ж. аттуу жаран кармалган.

Милиция толугураак маалымат кийинчерээк берилерин билдирди.

Кечээ, 19-ноябрда Бишкектеги Арча-Бешик конушунда дагы бир ымыркай ташталды. Бул бир эле айда Бишкекте болгон экинчи учур. Буга чейин дагы жаңы төрөлгөн ымыркайды апасы таштандыга ыргыткан. Кийинчерээк милиция аны кармаган.

Автор: Азат Бейшенбеков