Парламентте жол кырсыктарын алдын алуу маселесин талкуулоо сунушталды

Бишкекте бүгүн, 18-декабрдагы парламенттин жыйынында Жылдыз Жолдошова жол кырсыктарынан каза болгондордун саны өсүп баратканына токтолду. Анын айтымында, депутат бул маселенин алдын алуу боюнча тиешелүү органдарга кат жиберген.

“11 ай ичинде 6 114 жол кырсыгы катталып, анда 194 бала каза болуптур. Интернет сайттарга кирсең күн сайын кырсыктар тууралуу жазышууда. Бишкек-Ош жолунда чоң кырсыктар болуп жатат. Транспорт министрлиги кырсыктардын алдын алуу боюнча кандай иштерди аткарып жатат?”- деди Жолдошова.

Мындан сырткары жол кырсыктарынын өсүүсүн жогорку деңгээлде кароо зарылдыгын айтты.

Жогорку Кеңештин төрагасы Асылбек Жээнбеков бул маселе боюнча тапшырмалар тийиштүү комитеттерге берилгендигин кошумчалады.

Автор: Айпери Ганыжан кызы