Электр энергиясын уурдагандарга жазаны күчөтүү сунушталууда

Электр энергиясын уурдаган адамдарга карата жазаны күчөтүү боюнча Кылмыш-жаза кодексине өзгөртүү киргизүү сунушталууда. Бул тууралуу бүгүн, 18-декабрда Энергетика жана өнөр жай министрлигинин басма сөз кызматы билдирди.

Маалыматка ылайык, тариф саясатын өзгөртүү боюнча иштер келерки жылдын жазында башталат. Алгач бул багытта программа иштелип чыгып, ал жер-жерлерде талкуудан өтүшү керек. Андан соң Жогорку Кеңештин талкуусуна коюлат.Кыргызстанда электр энергиясына тарифтер төмөн экени көптөн бери айтылып келет. Америкалык ЮСАИД уюмунун жардамы менен Кыргызстандын электр энергиясынын өздүк наркы иликтенген. Анда электр энергиясына тарифтер 1 сомдон бир аз ашкан күндө да, тармак оор абалдан чыга албасы белгиленген. Баа кеминде 2 сомго жеткирилсе, кошумча 10 миллиард 400 миллион сом түшүп, энергетика тармагынын өнүгүүсүнө шарт түзүлөт деп эсептелген.

Автор: Дамира Арстанова