Өлкөнүн муфтийи болуп Абдулазиз Закиров шайланды

Кыргызстан мусулмандар дин башкармалыгынын башчысы болуп Абдулазиз Закиров бекиди. Бул тууралуу муфтияттан билдиришти.

Маалыматка ылайык, бүгүн, 10-февралда Кыргызстан мусулмандарынын кезексиз курултайы өтүп, анда Абдулазиз кары Закиров өлкөнүн муфтийи болуп шайланган.

Муфтийдин өмүр баяны:

Абдулазиз кары Закиров 1979-жылдын 29-апрелинде Жалал-Абад облусунун Базар-Коргон районуна караштуу Жети-Кошкон айылында туулган. Ал аталган айылдагы С.Нурдавлетов атындагы №24 орто мектебинде билим алган.

Билими: жогорку

1993-1998-жылдары Түркия мамлекетинин Стамбул шаарындагы хафыздык Куран курсунда окуган;

2009-2015-жылдары Бишкек шаарындагы "Расул Акрам" ислам институтунда илим алган;

2015-2018-жылдары Укук-Бизнес жана билим берүү академиясынын юриспруденция адистиги боюнча бүтүрүүчү.

Эмгек жолу жана ишмердүүлүгү:

2002-2005-жылдары Аламүдүн районундагы Көк-Жар айылындагы "Абу Бакр ас-Сыддык" медресесинин мүдүрү, "Абу Бакр" мечитинин имам-хатибинин орун басары;

2005-2008-жылдары Аламүдүн районунун баш имам-хатиби;

2008-2011-жылдары Чүй облусунун мусулмандарынын казысынын 1-орун басары;

2011-2013-жылдары Жалал-Абад облусунун Базар-Коргон районунун баш имам-хатиби;

2012-жылы Кыргызстан мусулмандарынын Уламалар Кеңешинин мүчөсү (азыркы Аалымдар Кеңеши);

2013-2021-жылдары Жалал-Абад облусунун мусулмандарынын казысы;

2021-жылдан бери Жалал-Абад облусунун Базар-Коргон районунун баш имам-хатиби болуп эмгектенип келген.

Сыйлыктары:

2005-жылы "Абдулла ибн Аббас" медресесинде өткөн Куран конкурсунун жеңүүчүсү;

2015-жылы КМДБнын Азирети Муфтийинин Алкыш баракчасы;

2017-жылы "Аймак" облустук коомдук-саясий гезитинин редакциясы тарабынан жылдын мыктысы наминациясы ыйгарылган;

2021-жылы Кыргызстан мусулмандарынын Азирети Муфтийинен "Ардактуу Казы" алкыш баракчасы ыйгарылган.

Мындан сырткары бир нече Ыраазычылык каттардын жана Алкыш баракчалардын ээси.

Араб жана түрк тилдеринде эркин сүйлөйт.

Үй-бүлөлүү, үч уул, бир кыздын атасы.

Автор: Айпери Бакталбек кызы

11:43 10-02-2024

Жазылуу

РУБРИКАДАГЫ СОҢКУ КАБАРЛАР

09:54 2025-07-02 | Түркүн дүйнө

Зеленский Азербайжанды колдоду 161 0

09:46 2025-07-02 | Саясат

Балыкчы шаарынын мэри алмашты 157 0

09:42 2025-07-02 | Кылмыштар, кырсыктар

Бишкектеги Республикалык стоматологиянын менчиктештирилип кеткен имараты мамлекетке кайтарылды 72 0

09:33 2025-07-02 | Кылмыштар, кырсыктар

Баткенде аткезчилик фактысына бөгөт коюлду 160 0

09:30 2025-07-02 | Түркүн дүйнө

USAID тышкы жардам берүү программаларын ишке ашырууну токтотту 88 0

09:26 2025-07-02 | Түркүн дүйнө

Германияда Палестина үчүн акча чогултуп, өзүнө короткон блогерге кылмыш иши козголду 311 0

Архив

Комментарийлер (1)

Uri24

2024-02-10 12:09:00

Ашынган диний фанатизмди жайылтпоо керек. Фанатизм башка идеяларга карата сабырсыз жана агрессивдүү. Мындай адамды руханий - деп айтуу туура эмес. Мындай адамдар логикалык аргументтерди жана фактыларды кабыл алышпайт.

-1

Комментарий калтыруу үчүн өз ысымыңыз менен кириңиз же каттоодон өтүңүз.