Мектептердеги балаты майрамын тартип сакчылары көзөмөлгө алышат

Бишкекте милиция кызматкерлери мектептердеги коопсуздук чараларын күчөтөт. Бул тууралуу бүгүн, 19-декабрда ИИББдин басма сөз кызматынан билдиришти.

Маалыматка ылайык, 21-декабрдан 28-декабрга чейин укук коргоо органдарынын жеке курамы шаардагы мектептердеги коомдук тартипти көзөмөлгө алышат. Мектептердин жетекчилиги кайсы күндөрү балаты майрамы боло тургандыгынын графигин беришкен. Ар бир билим берүү мекемесине аймактык инспектор бекитилген.

Автор: Дамира Арстанова