Жетим балдарды социалдык колдоо боюнча программа иштелип жатат

КРнын Социалдык өнүгүү министрлиги 2014-2016-жылдарга карата жатак мектептерди бүткөн жетим балдар жана ата-энесинин багуусунан ажыраган балдарды социалдык коргоо боюнча программа иштеп чыгууда. Бул тууралуу бүгүн, 19-декабрда аталган министрликтин басма сөз кызматы кабарлады.

"Мындай балдарда эң негизги маселелер турак-жайдын, документтердин жоктугу, үй-бүлө куруу, кесип тандоо жана башкаларга байланыштуу чыгат. Жатак мектептердин, балдар айылынын, багып алган үй-бүлөлөрдүн балдары 15-16 жашында эле турмушка аралашууга аргасыз болушат",- деп кабарлайт министрлик. Социалдык өнүгүү министрлиги тарабынан иштелип жаткан программа мындай балдарды социалдык колдоону жакшыртууга багытталган.

Автор: Дамира Арстанова