Каржы министри: “2014-жылы мектептерди капиталдык оңдоп түзөөдөн өткөрүү үчүн бюджеттен 200 миллион сом бөлүнөт”

Бүгүн, 19-декабрда Жогорку Кеңештин жыйынында Кыргызстандын 2014-жылга карата бюджети талкууланып жатат.

Анда депутат Абдумиталип Кочкорбаев келерки жылга мектептерди капиталдык оңдоп-түзөө үчүн бөлүнгөн каражаттар тууралуу айтты. Аталган тармакка 2007-жылдан бери 100 миллион сом бөлүнүп жаткандыгын жана бул аралыкта курулуш жана оңдоп-түзөөчү каражаттардын баасы көтөрүлгөндүгүн баса белгиледи.

Каржы министри Ольга Лаврова “мектептер жыл сайын капиталдык оңдоп-түзөөнү талап кылбайт. Билим берүү министрлигине 100 миллион сом бөлүндү. Бул багытта жергиликтүү бийлик органдарынан 94,7 миллион сом берилсе, жалпысынан 200 миллионго жакын каражат бөлүнүп жатат” деп билдирди министр.

Автор: Айпери Ганыжан кызы