Экономикалык кылмыштардан улам мамлекетке 1 миллиард сомдон ашуун зыян келтирилген

2013-жылы экономика тармагында жасалган кылмыштардан улам мамлекет 1 миллиард 40 миллион сомдон ашуун зыян тартты. Бул тууралуу 19-декабрда өкмөттүн басма сөз кызматы билдирди.

Маалыматка ылайык, январь-ноябрь айларынын аралыгында 920 экономикалык кылмыш катталган. Экономикалык кылмыштуулукка каршы мамлекеттик кызматы 567 миллион 795 миң сомду кайра казынага кайтарды. Аталган кылмыш түрү боюнча 201 кылмыш иши козголуп, тергөө органдарына жөнөтүлгөн.

Автор: Айпери Ганыжан кызы