Кыргыз-өзбек "Достук" өткөрмө бекети иретке келтирилүүдө

Кыргыз-өзбек чек арасындагы "Достук" өткөрмө бекети Кыргызстан тарабынан иретке келтирүү иштери жүргүзүлүүдө. Бул тууралуу бүгүн, 29-апрелде Мамлекеттик курулуш агенттигинен билдиришти.

Маалымдалгандай, Ош регионалдык шаар куруу жана архитектура боюнча башкармалыгы элге кызмат көрсөткөн жайларды бир типтүү көрүнүшкө алып келүү үчүн ар бир объект ээлерине жеринде түшүндүрүү иштерин жүргүзүп жана аткарылышын дыкат көзөмөлгө алган.

Ага ылайык, тиешелүү тапшырма Ош мэри Бактыбек Жетигенов тарабынан берилген.

Эске салсак, аталган өткөрмө бекет аймактарды ийрилештирүү иш аракетинин алкагында Ош шаарынын карамагына өткөн.