Газа тилкесинде жүздөгөн жарандар медициналык жардамга муктаж болууда

Газа шаарында бир дагы оорукана иштебей эле, ал эми дээрлик толугу менен талкаланган шаардын көптөгөн тургундары жарааттарын дарылоого муктаж. Бул тууралуу Middle East Monitor гезитинин Газа тилкесиндеги кабарчысы билдиргенин маалымдады.

Маалыматка караганда, алгачкы жардам көрсөтүүгө да, дарылоого да муктаж жүздөгөн бейтаптар жана жарадарлар, ошондой эле өнөкөт оорулардан жапа чеккендер бар. Бул адамдар сактап кала турган же жок дегенде жашоосун жеңилдете турган керектүү жардамды ала алышпайт.

Талкаланган Аль-Шифа (Дар аш-Шифа) ооруканасы, Газа шаары

Израилдик оккупациялык аскерлер Газа шаарын толугу менен курчоого алып, анын тургундарынын көбүн качууга мажбурлашты. Калгандары ачкачылыктан жапа чегип, керектүү азык-түлүк жардамын ала албай жатышат.

Март айында Израил Газанын башкы ооруканасы болгон Аль-Шифа медициналык комплексин эки жума бою курчоого алган. Израилдик аскерлер аны өрттөп, Газа тилкесинин түндүк бөлүгүн бир дагы медициналык борборсуз калтырып кетишкен.

Автор: Бек Оморбеков