Боомдо таш кулатылып, унаа каттамына чектөөлөр киргизилет

Бишкек-Нарын-Торугарт унаа жолунун 132-чакырымында 7, 8, 10, 11-май күндөрү кооптуу таштарды кулатуу иштери жүргүзүлөт. Бул тууралуу "Кыргыз темир жолу" ишканасынан билдиришти.

Маалыматка ылайык, Боом капчыгайындагы кооптуу таштарды түшүрүү иштери күндүзгү саат 9:00дөн 15:00гө чейин жүргүзүлөт. Бул учурда Жол кыймылынын коопсуздугун камсыздоо башкы башкармалыгынын кызматкерлери тарабынан жол жарым-жартылай тосулат. Ал эми жолду тазалоо учурунда унаалар бир тилкеге чыгарылат.

Ишкана жолго чыга тургандарга каттамды алдын ала пландап алууну эскертип, мындай иштер автотранспорт каражаттарынын коопсуздугу үчүн жүргүзүлүп жатканын белгиледи.

Автор: Кылымбек Бейшеев
Фото: Интернеттен алынды