Жогорку Кеңештин Коргоо жана коопсуздук боюнча комитети 2013-жыл ичинде 57 мыйзам долбоорун карады

Кыргыз Республикасынын Жогорку Кеңешинин Коргоо жана коопсуздук боюнча комитети 2013-жыл ичинде 42 жыйын өткөрүп, 57 мыйзам долбоорун караган. Анын 54ү парламенттин кароосуна жолдонуп, 49у кабыл алынган. Бул тууралуу 23-декабрда ЖКнын басма сөз кызматы билдирди.

2013-жыл ичинде Комитеттин карамагына берилген маселелер боюнча жарандардан, эмгек жамааттарынан, коомдук бирикме жана мекемелерден 120дан ашык кайрылуу келип түшкөн. Алардын 109у боюнча чаралар көрүлгөн.

Мындан сырткары куралдуу күчтөрдү материалдык-техникалык толуктоолор, башкача айтканда, мамлекеттик мобилизациялык резервде материалдык байлыктарды түзүү боюнча чаралар көрүлгөн. Ошондой эле жарандык жана территориялык коргонуу боюнча иш-чараларды уюштуруу, коргонууну камсыз кылуу үчүн аскердик илимий иштерди жана аны укуктук жактан жөнгө салуу боюнча жасалып жаткан иштер боюнча маалымат жоктугун белгилеген талкуулар уюштурулган.

Автор: Айпери Ганыжан кызы