Президент Алмазбек Атамбаев өлкөнүн энергетикалык системинин эң проблемалуу секторлоруна ири инвестицияларды тартуу боюнча макулдашууларды ратификациялоо жөнүндө мыйзамдарга кол койду

Кечээ, 23-декабрда Кыргыз Республикасынын Президенти Алмазбек Атамбаев өлкөнүн энергетикалык системинин эң проблемалуу секторлоруна ири инвестицияларды тартуу боюнча макулдашууларды ратификациялоо жөнүндө мыйзамдарга кол койду.

Макулдашууга ылайык, Бишкек шаарынын Жылуулук электр борборун (ЖЭБ) модернизациялоого тартылган инвестициянын суммасы 386 миллион АКШ долларын түзөт.

Ал эми Газтранспорт тармагына стратегиялык ири инвесторду тартуу тууралуу макулдашуу Кыргызстанга 655 миллион АКШ долларын алып келет жана 2013-2014-жылдардын кыш мезгилин өлкөбүз үзгүлтүксүз өтүшүн камсыз кылууга багытталган.

Жаратылыш газын Кыргыз Республикасынын аймагына жиберүү, бөлүштүрүү жана сатуу чөйрөсүндө кызматташуу жөнүндө Кыргыз Республикасынын Өкмөтү менен Орусия Федерациясынын Өкмөтүнүн ортосундагы макулдашуунун алкагында курулуштун перспективалуу планына ылайык, орусиялык тарап жумшаган инвестициялар төмөндөгү максаттарга багытталат:

- узундугу 112 чакырым келген Чүй облусундагы магистралдык газ түтүгүнүн II бутагынын курулушу;

- узундугу 91 чакырым келген Бишкек-Кант-Токмок магистралдык газ түтүгүн алмаштыруу;

- Бишкек шаары, Чүй, Ош, Жалал-Абад, Баткен, Ысык-Көл жана Талас облустарындагы иштеп жаткан газ түтүктөрүн реконструкциялоо;

- узундугу 315 чакырым келген Майлы-Суу шаарынан Баткен облусуна чейин магистралдык газ түтүгүнүн курулушу;

- узундугу 92,8 чакырым келген Аманбаев айылынан Талас шаарына чейин магистралдык газ түтүгүнүн курулушу;

- узундугу 550 чакырым келген Токмок-Ысык-Көл магистралдык газ түтүгүнүн курулушу;

- компрессордук басымды жеткирүү станциясы менен “Майлы-Суу” жер алдындагы газды сактоочу жайды кайра калыбына келтирүү.

Автор: Бекжан Рыскулов

08:50 24-12-2013

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 696 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 1217 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 619 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 516 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1952 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 482 0

Архив

Талкуу жабык.