Өлкөдө үч округ боюнча Жогорку Кеңешке шайлоо өтүп жатат

Бүгүн, 30-июнда саат 08:00дөн баштап №5 Ноокат, №36 Ысык-Көл жана №29 Свердлов бир мандаттуу шайлоо округдары боюнча Жогорку Кеңешке депутаттарды мөөнөтүнөн мурда шайлоо башталды.

БШК билдиргендей, үч шайлоо округдарында 175 шайлоо участогу ачылып, 2214 участкалык шайлоо комиссиясынын мүчөлөрү тартылган.

Ноокатта 54 шайлоо участкасы ачылып, 91 миң 57 шайлоочу шайлоочулардын тизмесине киргизилди;
Свердлов округу боюнча 60 шайлоо участогу ачылып, тизмеге 122 975 шайлоочу киргизилди;
Ысык-Көл шайлоо округу боюнча 61 шайлоо тилкеси ачылып, тизмеге 97 331 шайлоочу киргизилген.

Жогоруда аталган үч округда мөөнөтүнөн мурда шайлоодо жалпы 29 талапкер ат салышат.

Автор: Айжанар Рыспек кызы
Фото: интернеттен алынды