Жогорку Кеңеште депутаттар Баткен облусу боюнча маселени көтөрүп чыгышты

Бүгүн, 25-декабрда Жогорку Кеңештин жыйынында депутаттар Баткен облусундагы чек ара маселесин карап чыгуу керектигин белгилеп өтүштү.

Эл өкүлү Абдыманап Кутушев Кыргызстандагы чек ара боюнча чыр-чатактардын басымдуу бөлүгү Баткен облусунда болуп жаткандыгын айтты. “Өлкөдө чек ара боюнча 47 маселе болсо, анын 37си Баткенде болот экен”,- деди Кутушев өз сөзүндө.

Ал эми Ташполот Балтабаев "аталган маселенин чечилишине премьер-министр келе албаса, каржы министри катышсын. Анткени бул аймакта көп маселелер каржы тартыштыгынан келип чыгат” деген сунушту киргизди.

Автор: Айпери Ганыжан кызы